COUSIÑAS DO NOSO NADAL

  Onte celebramos o noso "Festival de Panxoliñas"  e como sempre, tod@s os cursos actuaron máis que ben. FANTÁSTICOS !
  Se queredes ver os videos premede aquí ou entrade na páxina web do cole.
  Engado algunhas fotiños que fixemos en 1º e 2º, durante esta semana.

2º NADAL -

1º NADAL - 

  Deíxovos aquí, este entretido glogster, un dos moitos recursos que sempre comparte con todos Ana Mártinez, con un montón de xogos de Nadal para estas datas.
  Pasa o rato por enriba das imaxes e entra no xogo que queiras.

E a tod@s 

FESTEXAMOS CON ...

... que ademais de ser o último día de clase , o día 26 é o seu cumpreanos.

 A volta , por uns días tod@s,  menos eu, teremos 6 anos.

  Que maiores xa !

   Martín chegou a clase feliz cunha maleta preciosa chea de madalenas caseiras que estaban boísimas e doces agasallos para os seus compañei@s e para os profes.

  Tiñamos a maiores tarrinas de Nutella para enzoufarnos os morros e unha rosca de Reis que trouxo Antía . Case empachamos !

Grazas as familias por esta despedida do trimestre tan doce !

MANUALIDADE DE NADAL

DOBRE FESTEXO

  Lucía convidounos a festexar que mañá celebra o seu santo e o seu cumpreanos.

  Trouxo unha tarta caseira que estaba tan rica, tan rica que a algúns só lles faltou pasar a lingua polo prato.

Graciñas a familia polos agasallos tan doces ! 

OS VERSOS DE ...

  Chegou de volta a mochila viaxeira e neste caso Xavela,  adicoullos ao invernadoiro da súa tía Rocío.

  Cultiva case todos os produtos da horta pero... o que máis lle gusta a Xavela é o recuncho das flores onde plantou o bulbo de tulipán que nos regalaron na visita a Casaplanta.

CHEGA O NADAL

  Xa se respira na nosa clase o ambiente do Nadal. Entre a árbore ,as boliñas de moitas cores e as estreliñas, empezamos a ensaiar a nosa panxoliña.

  Engado un video para que lembredes a música e poidades practicar na casa pero... coa letra adaptada a nosa panxoliña, que xa alguns/as saben de marabilla.

  Deixovos a maiores un libro LIM de Ana Mártinez na última imaxe con cousiñas do Nadal para estes días que tedes máis tempo.

PREME NA IMAXE

CÓNTAME UN CONTO

  Os nen@s de 1º disfrutaron da súa primeira actividade cos seus padriños lectores, os alumnos/as de 5º.

  Levaban días esperando este encontro porque ter padriños no cole e ademais os maiores, facíalles moita ilusión.

  Aquí tedes unha foto todos xuntos e na páxina da biblioteca podedes ver unha montaxe coas fotos desta experiencia.

PLANTAS E MÁIS PLANTAS

  Os alumn@s de 1º e 2º  disfrutaron hoxe da súa primeira saída fora do cole.

  Foi unha visita guiada ao " Centro de Xardinería Casaplanta " na Ramallosa. 

 Como se portaron moi ben,  regaláronlles bulbos de tulipáns e nós, rematar a visita merendando  no parque.

 Premede aquí para ver  o video da visita, engadida no blogue "o noso horto".

A HORTA ENCANTADA DE MARTÍN

    Martín de 1º chegou hoxe todo contento cos seus " versos á horta".

   Os produtos da súa horta convertéronse en animaliños : os pementos en crocodilos, as cabazas en tigres, os tomates en xoaniñas...

Encantáronnos os versos encantados de Martín e a súa familia !

CELEBRAMOS O MAGOSTO

  Aproveitando a tregua que nos deu hoxe o mal tempo, celebramos por fín o noso Magosto.

  Despois de comer as castañas, asadas por Joaquín e  moi ben asadas por certo !
 Distribuímonos por equipos, en xogos organizados polo profe Miguel : castaña-cesto,  relevo de castañas, a castaña que queima,  a castañuela ...

  O mellor, ver a cara dos pequerrechos disfrutando dos xogos cos maiores.

VISITA SORPRESA

  Os alumnos de 6º, fixéronnos unha visita sorpresa, acompañados da profe Elena.

 Para lembrarnos que mañá día 22 é Santa Cecilia, patrona dos músicos, deleitáronnos cunha canción africana.

Coa boca aberta quedamos, do moito que nos gustou !

CALENDULAS

  Os nenos/as de 1º estamos moi abraiados polo rápido que brotaron as sementes de caléndula que sementamos a semana pasada.

 Se queredes ver os pasos que fomos dando ata chegar a ter esta fermosa plantación ...

  Premede aquí ou na pestana "o noso horto" na páxina da biblioteca, onde esta engadido un video.

       

CONTACONTOS

   Hoxe os nenos /as de 1º xunto cos de 5 anos tivemos unha nova sesión de contacontos. Neste caso, moi especial para nós

  Catro dos nosos padriños lectores, Alex, Tania, Olaia e Antía, de 5º, contáronnos "Pomelo al otro lado del huerto." e gustounos moitiiiiiiisimo.

  Para ver máis fotos, premede na pestana da biblioteca.

VERSOS Á HORTA DE ROI

  Esta semana Roi trouxo os seus versos adicados á horta do seu avó.

 Aínda rimos un rato, non por ver o avó tan enfadado, se non polas rimas tan simpáticas cos animaliños que lle fan pillerias, despois de levar tanto traballo.

Debémoslle un feixe de risas a Roi e a súa familia !

Aparece unha lupa ao mover o rato, para ler mellor o poema

PREPARANDO O MAGOSTO

   Se o tempo o permite, celebraremos a nosa festa do Magosto no monte Galiñeiro como todos os anos.

   Por iso, xa empezamos a traballar cousiñas relacionadas con esta festa que tanto nos gusta. 

                                             Premede na imaxe

      

Conto "A Castaña que rebentou de risa" con imaxes de María Casares Ruíz do blogue Lápiz,papel y goma. Montaxe Ana Martínez Rey. Voz Beatriz Rodríguez Martínez.

CONTANDO DECENAS

  Esta semana estivemos aprendendo a contar decenas. O máis sinxelo para aprender é manipulando obxetos, tocalos, contar unidades, agrupando , formando decenas...

  Na clase utilizamos escarvadentes. Engado as fotos para que poidades ver o concentradiños que estaban facendo a súa tarefa.

CHEGOU O SAMAÍN

  Despois de pasar a semana preparándonos para o Samaín con xogos, cancións, películas e falando moito do tema... chegou o gran día !

  Medo, medo non pasamos porque xa sabemos onde está, o que si foi, é que botamos unhas risas de medo , coas pintas dalgúns que pensaban que nos ían meter medo.

SAMAIN 2014 - Movie Maker

   E para entreterse estes días non lectivos, engado unha curtametraxe dun libro da editorial OQO " A bruxa regañadentes" e un enlace se premedes na última imaxe, cunha morea de divertidos xogos para pasar un ratiño.

OS ALUMNOS DE 2º PLANTARON COLIFLOR

  O venres os alumn@s de 2º baixaron ao horto a plantar coliflores. Non lles faltaron nin ganas nin xeito para facer un bo traballo, como podedes ver nas fotos.

VERSOS A MIÑA HORTA DE AROA

 Aroa presentounos hoxe en 1º a "Don Pascual" o espantallo a quen lle adicou os versos da horta.

 Un traballo xenial o do espantallo Don Pascual !

HORTICAIXA DE 1º

  Os alumn@s de 1º xa remataron a súa " horticaixa " para os utensilios do horto. Pintárona, pegáronlle produtos que se obteñen no horto e ... así de bonita lles quedou !

OS NOSOS LIBROS FAVORITOS

 Para conmemorar o "Día das Bibliotecas" acordamos montar mini exposicións por aula , nos corredores, cos nosos libros favoritos.

 Algúns libros son importantes para un, polas circunstancias que os rodean; quen nolo leu, a quen llo lemos, como nos emocionou ...

  Engado o video dun dos meus libros favoritos; por se queredes ter un momento tenro.

   Aquí tedes a mostra da mini exposición dos libros favoritos de 1º.

INDO PARA O SAMAÍN

   Xa estamos preparándonos para celebrar o Samaín 
   Empezamos falando do medo a partir de este video. Quen dixo medo ?
   Nós xa sabemos onde está e as palabras máxicas para espantalo.

 ¡ Miedo, miedo

        rimas con huevo!

                  Si vienes a asustarme ...

               ¡ me importa un bledo !

    

  Para traballar o vocabulario relacionado co tema, este libro LIM de Ana Mártínez

E estas fichas de pasatempos para pasar un rato entretidos

QUE SORTE, OS PRIMEIROS !

  Onte asistimos a nosa primeira sesión de Contacontos deste curso.
  Se queredes ver as fotos , clicade na pestana da BIBLIOTECA.

  Como o pasamos tan ben, grazas a profe Irene e gustáronnos tanto os contos,  engado este video co que volvemos a  disfrutar dun dos contos na clase.

QUE FACER CANDO ME ENFADO ?

   Para solucionar algúns enfados que xurdiron nos últimos días na clase, hoxe dedicamos a sesión de lectura ao conto " Cuando estoy enfadado".
   Falamos das cousas que nos fan enfadar, de como nos sentimos e de como o podemos solucionar sen que o paguen os demais.

   Se queredes ler o conto , premede na imaxe e se queredes que volo conten, ver o video.

     

    Nós acordamos seguir os consellos de "Conejo" e vós, que pensades facer ?

ITINERARIO LECTOR

   Hoxe na biblioteca entregáronnos a caixa  cos libros do " Itinerario lector" que leremos este curso.

  A caixa de 1º conten " Nacho Chichones" e  " Á sombra dos anacardios" e a de 2º " El hombrecillo de papel " e " Os soños na gaiola".

  Antes de recollelas, montamos puzzles cos títulos dos libros e visionamos o traballo que fixeron outros grupos cando os leron. 

Que libros tan bonitos !

O NOSO CORPO

  Esta semana entre outras cousas, a empezamos lembrando algunhas partes do corpo. 
  Engado estes enlaces, un para repasar e xogar ...

   E estes dous vídeos para cantar e bailar.