MEDÍMONOS

    Como estamos traballando co metro e o centímetro, hoxe medímonos na clase para saber utilizar estas medidas.

   Marcamos na parede con pegatinas o que mide un metro e fomos comprobando o que mide cada un, por parellas para decirllo aos compañeiros que o anotaban nunha ficha e o tiñan que pasar a centímetros.

  " Lara mide 1 metro e 41 centímetros. Lara mide 141 cm."

    Resultou que a Sarai tocoulle medir a Lara. Aquí tedes como o solucionou e se clicades na imaxe podedes ver máis fotos.
     A min,  mediume Alex e... non se tivo que subir a ningunha cadeira para facelo.
     

                   Para seguir practicando preme na imaxe

RECEITA VIAXEIRA DE AROA

   Aroa convidounos a disfrutar da súa " Tarta de tres chocolates " branco, negro e con leite.

   Estaba tan boa que ata algún preguntou se podía lamber a bandexa.

   Graciñas a Aroa e a súa familia por esta delicia

O SOL , A LÚA , A TERRA ...

  

  RECURSOS SOBRE O UNIVERSO, a continuación preséntovos varios recursos online para investigar e ampliar o tema do UNIVERSO, SISTEMA SOLAR, TERRA,  LÚA,...

RECEITA VIAXEIRA DE SARAI

   Nesta cucada de cociña , a súa medida , posa Sarai cos ingredientes da súa receita " Galletas recheas de chocolate " : manteiga, azucre ,cacao, levadura Royal  e anacos de chocolate.

  Coa axuda da Thermomix e o seu irmá Joel elaborou estas galletas que según nos contou, tiveron algún que outro ... contratempo.

SAÍDA AO PAVILLÓN DE GONDOMAR

  Hoxe os nen@s do 1º Ciclo fomos ao pavillón de Gondomar a poñer en práctica algunhas técnicas básicas de iniciación ao judo que o martes nos explicaron no cole, dous judokas, nunha pequena charla sobre este deporte.

  No blogue de Edº Física podedes ver a montaxe que fixo o Profe Miguel coas fotos realizadas nesta saída.

  Pasámolo fenomenal !

  IMPORTANTE : Todos os que queiran iniciarse neste deporte poden asistir gratis as clases, os venres as 17h no pavillón de Gondomar.

RECEITA VIAXEIRA DE SOFÍA

  Sofía convidounos a degustar as súas excelentes "Magdalenas con Nutella" feitas con fariña, ovos e ... Nutella. 

 Como podedes ver na cara dos que as probamos estaban requeteboas.

Moitas grazas a Sofi e a súa nai Fátima.

AS PAISAXES

  Recursos do proxecto Agrega para reforzar e ampliar o tema " As Paisaxes" 

• Cambios na paisaxe
• Paisaxe de montaña
• Paisaxe de chaira.
• Paisaxe de costa

DÍA DA MULLER TRABALLADORA

    Todos os días, e de xeito especial o 8 de marzo, Día Internacional da Muller Traballadora, no contexto actual que estamos a vivir de constante perda de dereitos e liberdades, fan que a palabra IGUALDADE  vaia perdendo o sentido pouco a pouco e demostran que, meter a tesoira nos servizos sociais, nos afecta máis a todas que a todos.

 

   Nesta ocasión visionamos na clase este conto, que é moi axeitado para dialogar co alumnado sobre a desigual distribución dos traballos e as responsabilidades da vida cotiá entre homes e mulleres. 

  Tamén nos axudou para reflexionar sobre o importante que é a corresponsabilidade dentro do fogar (no que todas as persoas que convivimos temos que implicarnos: mulleres, homes, nenos e nenas), tanto no desenvolvemento das actividades domésticas coma no coidado das persoas.

    E este é o noso traballo para expoñer no corredor con motivo desta data. Escribimos nos pratos a que se dedican as nosas nais, avoas ou mulleres achegadas a nós e como estamos no ano da gastrónomía cal é o seu prato favorito.