Engado o video de ensaio na aula da nosa panxoliña e se queredes ver a actuación da pequena celebración, gravada no exterior , clicade no blogue de ciclo.
Ánimo e paciencia coas circunstancias que estamos a vivir e ...
BOAS FESTAS E BO ANINOVO PARA TOD@s !
Zombis, vampiros ,esqueletos , superheroes e carautas terroríficas encheron a nosa clase o pasado venres polo Samaín.
Este ano puidemos levar a fín o acceso das nosas cabazas e por quendas percorremos as estupendas exposicións de cabazas e cestas con produtos de outono que grazas as aportacións das familias, argallaron a profe Elena e Ana Eva co apoio dos especialistas para pasar un día terrorificamente divertido.
Inaguramos a biblioteca este curso a conto de que o día 24 era o " Día das Bibliotecas".
Celebramos a esperada apertura, durante toda a semana por aulas burbulla , combinando xogos populares que ao rematar conseguimos uns puzzles que nos deron a pista onde tíñamos que ir .
Resultou ser ... A BIBLIOTECA !
Alí a profe Carmen agasallounos co conto " El hospital de la bruja Litera Tura", a caixa cos libros do "Itinerario lector" e a mochila viaxeira.
Desexando xa poder facer uso do emprestito de libros !
Preme nas imaxes para xogar.
1. Xogo educativo coas letras do alfabeto para unir con puntos en orde e crear un debuxo. Cando acabes de unir todas as letras en orde poderás ver o debuxo que representan.
Empregando un "Comecocos " que fixemos por equipos ,seguindo instrucións, puxemos a dar voltas a nosa expresión oral para saber gustos e preferencias dos nosos compañeiros/as sobre comida, mascotas, tempo de lecer ...
Os comecocos de equipo quedaron na clase para practicar cando queiramos e... cada un levou o seu para facer na casa e saber dos gustos e preferencias de amigos e familia.
👉Comecocos " Todo sobre mí" (recurso Twinkl)
Os nenos e nenas de 2º volven ás aulas con enerxías renovadas ante un novo curso cheo de retos e alegrías por diante.
Por iso nas súas caras debúxase un sorriso por volver ao colexio, por xuntarse cos seus amigos e amigas …
Todas as pequenas cousas que antes non tiñamos en conta e que iremos recuperando pouco a pouco , parécennos agora grandes tesouros que nos proporcionan non só alegría senón tamén unha grande axuda para seguir crecendo como persoas.
Por un curso sen voltas atrás !
Chegou o fín deste curso que cando empezamos pensabamos que non ía durar moito de forma presencial pero ... ata aquí chegamos todos xuntiños, non sen sentirnos moi, moi orgullosos destes "Superneno/ as " que en todo o curso :
Por todo iso e porque me fixeron rir moito , moito unha morea de veces ... desexo a tod@s "os meus ratiños" que disfrutedes dunhas marabillosas vacacións.
E como dicía a nosa canción ...
"Obladí, Obladá que ledicia
Xa chegou un verán máis !
Esta semana gozamos dunha visita ao fantástico museo organizado polos maiores do cole para dar a coñecer o seu traballo .
Previa visita aproveitamos para xogar na clase cos cartos e practicar o protocolo esixido para entrar nun museo : reservar hora, pagar para coller as entradas ...
Unha vez dentro tivemos que resolver retos, atender aos guías e apreciar e opinar sobre as obras artísticas expostas.
Unha delicia de actividade moi ben organizada !
Hoxe ao rematar o noso Festival das Letras ,entregáronse os agasallos aos premiados nos concursos deste trimestre.
Podedes ver a entrega ao final do video das actuacións do Festival, subido á web do cole e ao blogue de ciclo.
Por participar no concurso fotográfico "Rosalía, poesía que inspira" ( montaxe no blogue da biblio)
Esta semana levouse a cabo , a proposta dá profe Elena e con financiamento dá ANPA ,un obradoiro de percusión para todo ou cole " ECO-PERCUSIÓN" a cargo do percusionista Didier que conseguíu entusiasmar aos nenos con esta actividade e de paso serviu para liberar a enerxía acumulada de tantos días de chuvía e sen poder gozar do patio.
Aquí déixovos un pequeno video , se clicades na imaxe, do fin da actividade con algúns que outros futuros percusionistas que remataron ... cansos como raposos pero contentos coma cucos.
Na páxina Web do cole podedes ver unha montaxe de video e fotos de todas as aulas . Unha gozada !
Este agasallo vén dunha clase lonxana, no último piso do cole.
Érase unha vez uns padriños e madriñas moi liados que sempre estaban facendo cousas. Un día decatáronse que entre tantas burbullas ailladas aínda non tiveran contacto cos seus afillados/as. Así que, moi preocupados, decidiron facer algo. Como lles encantan os contos, puxéronse mans a obra e decidiron lernos un.
Marcharon voando a un castelo encantado e desde alí enviáronnos esta historia que nos gustou moitíiiiiiisimo .
Moitas grazas dos vosos afillados/as.
Como remate ao 2º trimestre deixámosvos esta versión do conto " LAS JIRAFAS NO PUEDEN BAILAR " que os ratiños de 1º ,que tanto medraron desde que empezou o curso, fixeron con tanta ilusión para compatilo cos seus compañeiros do cole.
Día a día foron aparcando a vergoña inicial para virse arriba , expresarse ao son dá música e rematar os días bailando e compartindo gargalladas . Uns artistazos !
Premede na imaxe para ver o video.👇
Despois de varios días, como maracas ,xa por mor da celebración ou de tanta chuvia ... por fín saiu o
sol para acompañarnos no breve
percorrido ao redor do cole para lucir
os nosos disfraces diante dos nosos compañeiros.
Déixovos unhas fotiños desta semana e un video bailando , que fixemos mentres esperabamos a nosa quenda para baixar ao patio.
Podedes ver tamén unhas montaxes de fotos e video do peculiar desfile deste ano, engadidas na web do cole e no blogue do ciclo para ver os disfraces tan bonitiños que fixeron as burbulliñas do noso cole.
O día 30 de xaneiro conmemoramos o " DIA DA PAZ" .
A proposta do equipo de actividades complementarias, lemos e visionamos o conto " El hombrecillo de papel" e elaboramos por equipos os nosos homiños cheos de cores que hoxe expuxemos no patio cuberto xunto cos das outras aulas.
Premede na imaxe par ver máis fotos 👇
