O MELLOR AGASALLO

  Chegamos o fín do trimestre disfrutando un montón con todas as panxoliñas do noso festival ( engadiranse na web do cole) e moi nerviosos polas datas que se achegan : xuntanzas familiares, Papa Noel, Reis Magos ,agasallos ...

  Con este montaxe os  rapaces de 2º queren decirlle as súas familias principalmente e  a tod@s os que nos seguen cal é o noso mellor agasallo.

                                  Preme na imaxe e o sabrás

RECEITA VIAXEIRA DE LARA

  Hoxe Lara explicounos como fixo unha " Tarta de queixo" e... como compartiu con nós o resultado, aproveitamos que tiñamos un prato con anacos de chocolate que os alumn@s de 4º nos deran o remate da súa exposición, para degustar xuntas as dúas lambetadas. Que lle imos facer... seguimos engordando !

MANUALIDADE DE NADAL

   Xa rematamos o noso boneco de neve para colgar na árbore das nosas casas.
  Con seis paus de xeado, pintura branca ,negra e vermella ,cola e goma eva laranxa e dourada, ollos móbiles e un rotulador permanente negro para debuxar a boca, fixemos estes bonequiños que quedaron moi simpáticos.

MUSICAL " A NENA E O GRILO NUN BARQUIÑO "

   "A nena e ou grilo nun barquiño" é o disco-libro de Maxín Blanco decorado con fermosas ilustracións a cargo de Leandro Lamas e aderezado con actividades creativas e interactivas para os nenos, para que poidan pintar, escribir e debuxar o seu propio libro, acompañado dun Cd con 13 cancións.

   Hoxe os alumn@s do 1º Ciclo asistimos o espectáculo musico-teatral baseado no Libro-CD e con dicirvos que rematamos todos bailando, podedes imaxinar o ben que o pasamos. Unha marabilla de espectáculo !

RECEITA VIAXEIRA DE SANTI

  Hoxe Santi convidounos a unhas "Natillas Caseiras".Moi ilusionado chegou a clase con todas as racións individuais para os seus compañeiros. Trouxo tamén barquillos para acompañalas e todos lle dixemos que eran unhas natillas IMPRESIONANTES de boas.

   Fixo ademais este helicóptero do libro de manualidades que é todo un éxito este curso na mochila viaxeira.

 Grazas a Santi e a súa familia por compartir con todos nós o seu magnífico traballo.

ALMORZOS SAUDABLES

   Esta semana todos os alumn@s  disfrutaron , alguns máis que outros, da actividade de almorzar no cole, dentro das actividades programadas para desenvolver o noso proxecto anual.

  O grupo do 1º Ciclo escollemos un almorzo mediterraneo con froita, torradas con aceite ,tomate e xamón ,zume e leite con cacao.

   Todos os nenos estaban ilusionadísimos con esta actividade pero teño que dicir que  nos cursos inferiores veuse empañada polo xeito equivocado, na miña opinión, de facer as cousas por parte dunha monitora allea ao Centro.

  Pero ... quedámonos co positivo de unha nova experiencia no cole e o agradecemento as nais que sen a sua colaboración teríamos máis complicado levar a cabo esta actividade .

RECEITA VIAXEIRA DE IRENE

   Esta semana disfrutamos moito dunhas "Filloas de chocolate" feitas por Irene. Chegou con elas a clase moi ilusionada e un pouco nerviosa por se non nos gustaban pero ... a quen non lle gusta o chocolate ?
   Este curso entre lambetadas e cousiñas ricas chegaremos a xuño gordiños coma botelos !

DECORANDO O NADAL

   Xa empezamos a decorar de Nadal a nosa clase para disfrutar máis tempo do noso traballo. O primeiro que fixemos foi unha árbore con abanos de cores e ... quedounos preciooooso !

   No video podedes ver como o fixemos e engado nel a base musical da nosa panxoliña de este ano para que a ensaiedes na casa.

   Premé na imaxe para ver o video

OS ANIMAIS VERTEBRADOS

   Empezamos o tema dos "Animais vertebrados". Aquí tedes máis recursos para reforzar e ampliar o tema.

                                              Animación

Libros LIM

SUPERSABER : La alimentación de los animales

DESCRIBIMOS A PERSOAS

Esta semana traballamos a descrición de persoas.

Engado estes enlaces para reforzar o traballado na clase.

RECEITA VIAXEIRA DE AITOR

    Aitor convidounos hoxe a un " Bizcoito de Chocolate" . Preparou a súa receita e tróuxonos a proba que estaba para lamber os dedos, como fixo él cando o estaba facendo.
   Engadiu que ademais dos ingredientes e moi importante facelo con cariño para disfrutalo en boa compaña e neste caso, disfrutárono todos os seus compañeir@s.     
   Tamén deulle tempo a facer estas  manualidades do libro de reciclaxe da mochila.   
                            Que familias máis implicadas !                   

DIA DO MAGOSTO

    Hoxe celebramos o Magosto no noso cole. Os máis en forma, subiron andando  ata o monte Galiñeiro onde asamos as castañas , fixeron as cabanas e xogaron ata hora de regresar ao cole.

    A nos non nos vale a cantiga :
                                     " Non chas quero, non chas quero

                                 castañas do teu magosto.

                                 Non chas quero, non chas quero

                                 que me cheiran a chamusco."

  Alguns comeron ata case rebentar.

BATIDO DE FROITAS

    Como o noso tema do proxecto son "As Froitas" empezamos facendo un batido con varias froitas , leite, azucre e unhas poucas labras de chocolate.

   Temos que agradecer a axuda da profe Carmen por facer de fotógrafa, de pinche, de limpadora e ... porque sempre está aí para botarnos unha man ao que faga falta e mais.

                             

RECEITA VIAXEIRA DE SILVIA

  

    Silvia e a súa familia prepararon para o noso recetario "ARROZ CON LEITE". Despois de explicarnos a receita contounos que o pasou fenomenal cociñando , xa vedes polas fotos que parece unha cociñeira profesional.

     Menos mal que temos feita unha lista de quendas para levar a mochila senon teríamos cada semana unha rifa para facerse con ela. Estan tod@s ilusionadísimos por sorprendernos co seu prato e non soltan nin chisca do que van facer. Sorpresa , sorpresa !

DÍA DAS CABAZAS

   Hoxe celebramos o " Día das Cabazas " e todo o cole viviu un rebumbio entre subidas e baixadas para ver a exposición de cabazas e os alumn@s de 6º disfrazados que percorrían as clases para intentar meternos medo, cousa que conseguiron so un pouquiño porque tíñamos unhas palabras máxicas para espantalos que cando as dixemos todo volveu a normalidade.

     " Abracadabra, abracadí que os monstros se marchen de aquí " 

                                              

  

RECEITA VIAXEIRA DE SARA

   Sara preparou na súa casa unha pizza. Despois de lavar as mans , que é moi importante, amasou, colocou a masa na bandexa do forno, puxo enriba o tomate ,o xamón , o queixo, meteuna no forno e  logo zampárona todos os da casa porque estaba de medo.

   Sara díxonos que a fixera con moito amor e alegría .Sara, dulce Sara !

  

SAMAÍN OU HALLOWEEN

    Ana Martínez de "Aulatic Terra do Ferrol" é unha experta montando libros LIM e Glogsters. Preparou con ambos recursos materiais para celebrar o Samaín. Engado o seu Gloster para que pasedes un bo rato.

RECEITA VIAXEIRA DE JONATHAN

   Joni preparou esta semana coa súa familia un "Flan de café" cos seguintes ingredientes:

- 1 sobre de Flan Royal

- 4 sobres de Nescafé

-  1 vaso de auga.

- 1 litro de nata líquida

   Explicóunos a súa elaboración, que é moi fácil de facer é que está ... deliciooooso. 

QUE PASA CO QUE COMEMOS ?

   Enlazado co tema dos alimentos imos coñecer o aparato dixestivo. Engado o enlace co que traballamos na clase e un LIM para reforzar  e ampliar o tema 

RECEITA VIAXEIRA DE UXÍA

   Xa temos outra receita, a de Uxía e a súa familia, un  "Brownie de Chocolate " con forma de gato que estaba tan rico, tan rico que non lle deixamos nin os bigotes.

                                           

OS ALIMENTOS

   Empezamos un novo tema  " Os Alimentos " que podemos reforzar e ampliar coa axuda dos siguintes enlaces.

   Como este ano o proxecto anual e sobre " A Gastronomía" este tema, os alimentos, será recurrente o longo do curso e principalmente o apartado das FROITAS que é sobre o que nós desenvolveremos o noso proxecto. 

                                 

Libro LIM                                        



                                                                           

RECEITA VIAXEIRA DE ALBA

   Chegou a nosa clase a segunda receita da mochila viaxeira. A primeira foi a miña, un "Pionono de salmón" pero como non son moi boa cociñeira, a primeira mención vai para Alba e a súa familia que elaboraron un riquísimo "Flan de queixo".

   

   Ademáis a pesar do pouco tempo co que contaron fixeron esta fermosa xoaniña do libro de manualidades con materiais reciclados.

          Tod@s na clase esperamos impacientes a seguinte receita !

ESTAMOS EN OUTONO !

  Xa rematamos o noso mural do outono cos froitos desta estación.

  Para saber máis, clicade na imaxe.

                               Canción " EL OTOÑO "

                  

OS NOSOS ESQUELETOS

  Con esta plantilla montamos os nosos esqueletos.

  Pintamos, recortamos, pegamos cada óso no seu sitio, fixemos etiquetas cos nomes dos ósos que estamos aprendendo e por último pegámolas no esqueleto.

  Con un pouquiño de axuda, quedáronnos de medo. Magoa que non asustaran aos que nos entraron a roubar

CHEGOU SETEMBRO !

  Empezamos un novo curso e ...

   Damos a benvida a tod@s os que queredes seguir e compartir o noso blogue.

                                 Grazas polas vosas visitas ! 

  Este curso medrou a nosa clase, contamos con tres novos compañeiros/as, Sheila, André e Jonathan e estamos todos encantados.

  Como xa se cheira polo noso cole, o proxecto deste ano xira arredor da GASTRONOMÍA. Aqui  amosámosvos o noso chef particular de 2º e clicando a súa imaxe teredes as primeiras recetas.

VACACIÓNS

  Xa chegaron as vacacións !

   Agora poderedes disfrutar de máis tempo libre para xogar, ir a praia, estar coa familia e cos amig@s e seguro que tamén haberá momentos que vos vai apetecer LER ou  facer algunha tarefa para non esquecer o aprendido e o meu desexo é ...

          Que disfrutedes tod@s moito deste tempo de lecer !!!

         

DIPLOMAS E MENCIÓNS

    Hoxe asistimos na biblioteca as derradeiras exposicións do proxecto anual, espectaculares, e a entrega de diplomas polas actividades realizadas este ano.

  Os alumn@s do 1ºciclo regresaron todos contentos a clase polas mencións recibidas.

    Silvia de 1º e Aldara de 2º recibirón diploma por ser as que fan máis uso do préstamo da biblioteca no noso ciclo.

    Sofía, Marta, Alex, Alba, Sara, Sira, Ana, Aroa, Hugo, Irene, Samu, Aarón de 1º e Diego de 2º foron os que máis preguntas acertaron no concurso de investigación anual "Atopa a resposta" recibindo mención e chapa de Librincios.

  Aitor de 1º e  e Noa de 2º recolleron os seus traballos do concurso "Cartel /Poema" do ENDL  que estiveron expostos no Centro Comercial da Ramallosa polos que recibiran un lote de libros.

  

    E agora na clase ... a continuar recollendo .

DÍA DO MEDIO AMBIENTE II

    Chegou o día da celebración e como remate as tarefas que fixemos na clase para concienciarnos de que o coidado do Medio Ambiente é tarefa de todos , participamos tod@s os alumnos do cole nos xogos e obradoiros organizados polo Equipo de Orientación.

   No blog da Biblioteca podedes ver as fotos deste día  e nesta foto de grupo o contentos que quedamos con todo o que fixemos.

MEDIOS DE TRANSPORTE E COMUNICACIÓN

Rematamos esta semana o tema " Imos de viaxe " e para afianzar o aprendido ...

UN DÍA DE CINE

  Hoxe fixemos unha saída especial. Fomos ao cine !
 Dentro das actividades programadas para este ano de cine no noso centro, acordouse facer unha saída de todos os alumn@s ao cine Imperial e a película ofertada foi Rompe Ralf. 

   Tod@s disfrutamos moitísimo desta actividade que rematou no parque da Ramallosa .       

 
Música : BSO Rompe Ralf  "Cuando te volveré a ver"      

O NOSO FESTIVAL

  Os días 14 e 15 de maio celebramos no cole o noso festival.

Todas as actuacións foron fantásticas !

  Os alumn@s de 1º actuaron o mércores representando un contocantado "A vella Lulula " e ainda que algúns tiñan algo de vergoña por actuar con tanto público, saiulles a tod@s fenomenal.

  Engado o video e as fotos para que os que non puideron asistir a representación , poidan visionalo.

DÍA DAS LETRAS GALEGAS

   O 17 de maio, celebramos o Día das Letras Galegas. Este ano está dedicado a Roberto Vidal Bolaño , autor, director, actor, escenógrafo, entre outras mil actividades que levou a cabo, sendo un referente para o teatro, o audiovisual e a cultura galega en xeral.

Actividades en liña

                                     

  " Esquecéronse de que ata a uns actores de talento dubidoso  e de oficio incauto lles  asiste, cando lles peta, o privilexio de facer o pallaso."
             Caprice des Dieux (1985) R.V. Bolaño

XERADOR DE SUMAS

   Imos seguir practicando a suma pois xa case somos expertos en sumar levando.

  Nesta aplicación temos desde as sumas máis faciliñas ás máis complicadas e que aínda non vimos en clase. 

 Por agora, co visto en clase podes seleccionar:

- 2 números de 1 díxito.

- 2 números de 2 díxitos.

  Na columna da dereita deixarei o enlace permanente á aplicación para que poidas facer uso dela cando queiras.