Sebastião Salgado é un fotógrafo
sociodocumental e fotorreporteiro brasileiro nacido o 8 de febreiro de 1944 en
Aymorés ( Brasil). Salgado viaxou a máis de 100 países polos seus proxectos
fotográficos.
Aproveitando a nosa saída ao teatro ,do pasado luns, para
ver o espectáculo musical de Mamá Cabra "Paxaro Amigo" , deixámonos caer pola rúa do Principe
en Vigo para ver a mostra con 38 fotografías da
exposición " XÉNESE" deste recoñecido fotógrafo.
Que descubrimos en XÉNESE ? Especies animais
e volcáns das Galápagos, os pingüíns, leóns mariños, corvos mariños e baleas do
Antártico e o Atlántico Sur, elefantes africanos; tribos no máis profundo da
selva amazónica, os nómadas gandeiros dinka en Sudán; os trashumantes nenets e
as súas manadas de renos no Círculo Polar Ártico, os icebergs do Antártico, os
volcáns de África Central , as gargantas do Gran Canón, os glaciares de Alaska
e... moito máis.
Dedicando tanto tempo, enerxía e paixón
na creación deste traballo, Salgado equipara XÉNESE co que el describe como «a
miña carta de amor á Terra».
Foi unha saída redonda ,polo abraiados que quedamos coas impresionantes fotografías da exposición e polo que disfrutamos no teatro coa tan entretida posta en escea das cancións de Mamá Cabra.
PD : Se visitades o blogue da Biblioteca, poderedes visionar unha mostra da morea de actividades que levamos feito este mes de marzo que sempre chega cargadiño de conmemoracións : Día Internacional da Muller , Semana da Prensa, Día da Poesía ...
Xa case estamos coa lingua fora !
